Salom..
Ondeik.. lamo sungguh indo menulih di siko lek.. ghaso bak indo tau laei bak mano nak menulih cerito. Indo tau ceghito apo yang nak ditulih.. Tapi, bak tajuk di ateh to la.. 'Muqri & Berjojak' tau te maknonyo ndoh? Ceghito ko dah lamo, lobih kurang dokek duo bulen dah. tapi ito la, indo ber'update' blog ko, sobob itu lo ceghito ko agak basi.. Menjojakke Muqri ko, dibuek maso seminggu lopeh rayo puaso ari to.. Lamo dah to.. tapi baru kinin nak diceghito ke.. tak apolah yo, asal ke ado ceghito.. 26hb September ari to, kenduri kawin anak sedagho ko di Ipoh. Kebotolen balik kampung, awal-awal laei dah ko posen pado kak chik ako, sughoh dio menelipon Mamak Buyong di Jelintoh, sobob nak menjojak Muqri 27hb September to (bak kato oghang rao: 27 haghibulen sembilen). Jadi haghi Sabtu mlm Ahed (26hb malam 27hb) to, ako pon menginei si Muqri. Ondeiikk.. payah nak menginei paja ko. Kakak dongen abangnyo sonang sang. Si Muqri ko payah sikit. Tongah dio tido to, terjago pulo. Menggaghu2 sinun, siko, habih berseluparen inei nyo! Adoii!! Nasib baik hubby ako menolong yo.. so, dapek la menyeloseike keghojo menginei si Muqri to. Kakaknyo si Nurin ondak yo. Jadi, ako inei ken la sebolah tangen.. :D Isok paginyo, udah bangkek semuo oghang, lopeh bersiop2, kami pun poei lah ke ghumah Mamak Buyong ako to. 3 kegheto!.. sambil2 nak beghayo la pulo.. kalao indo, bilo laei nak ke sinun. Haghi ghayo sang la baghu sompek menjonguk sesedagho. Sebolum poei ke ghumah mamak ko to, kak ngah ado cakop, ghumah nyo dah di 'renovate' idak bak dolu laei. Bilo sampei to, mmg iyo lah.. lain amek, sobob mamak cakop, ghumah lamu to dah di ghoboh toghoih, lopeh to dibuek ghumah baghu. Masuk la kami ke ghumahnyo to, minum2 sekojop. Menengok mamak to, dah tuo amek paeh.. sien menengoknyo. Indo la beghapo sihet laei. Terpikir yo ko, kalao mamak tadak nante sapo la yg nak dihaghop ke menoghoih ken adet berjojak ko. Lopeh kami minom to, Mamak Buyong pun menyiopken la bahen2 utk berjojak to. Udah siop sado nyo, Muqri pun dijojak ken. Indo bak abangnyo si Akeef, Muqri ko payah botol menjojaknyo. Menangeh2, sobob dio ko mmg indo ondak dipogang oghang lain yg indo dikonalnyo.. Ondeik.. payah lek. Tapi alhamdulillah, semuonyo ok. Dibawah ko gambar-gambar Muqri berjojak. (nak baco ceghito lain yang berkaiten dongen berjojak ko, silo lah ke siko dan ke siko dan jugak ke siko ).
Sebolom berjojak
Kak Chik tongah mengajar Nurin memukul gong 
Maso ko dah start kanga dah si Muqri ko
Udah abih, baghu ontok
Ayah menjunjong Muqri, nak bwk poei mandi, dgn payung kuning 
Dah setel.. baru la logo si Muqri
4 ulasan:
AKU TANYO SURANG USTAD BARU2 KO..PSL AMALEN BERJOJAK..
TERNYATO AMALEN YG KITO SLALU BUEK TU KHURAFAT,BULEH MEMBAWAK PADO SYIRIK..
BAK MANO TANG KUAK...APO NK DIBUEK?
mmg botol.. & mmg dh lamo tau bondo to mmg syirik.. kito mmg tak buleh percayo yg berjojak to, kalao indo dibuek, aken datang balo pado budak to. apo2 pun, macom ako ko, buek pun sobob adek (adat) sang & buken sobob percayo ken apo2. lgpun, kalao indo dibuek, kakak2 bising. jadi, ikuik ke sang la sebagei adek, & jangen percayo.. ito sang la..
Botol tang nyo bak kecek Kak Libra to, Bojojak iko sobob adet sang nyo, buken smorodang pocayo tulah bak diposen urang tuo dolu, ndo kono tetomehnyo anak taden, insyaAllah, misalen nikah bosandieng yuo tang, bosandieng to ndo bak Indu te kuak? tapi sampei ginarin urang bosandieng yuo lek, ndo todonga deko urang berandei bak nongko pasa Bojojak ko lek, adet bojojak to smato adet sang, ndo ado slobiehnyo sobob sgalo untuong nasieb to dari Allah sang nyo. Potamo, niek di hati kilen. Mo bughruok nieknyo, bughruok te sudahnyo. Beto te hidop iko. Kito ko urang Rao, kuek mojunjuong kitob, ndo tosasarnyo kironyo ndo ondak, yo ndo? Kilen me lapang diloti te tanah ako pulo tang yo, hahaha, alameknyo kilen teken di namo ako ateh sinon. Timo kaseh yo.
p.s ngecek dalom Rao sesamo kito, buek yang ndo tau dilua nun, biaken tocoliek mato kilen kodeko. hahaha!
salam.. terimo kasih pajasuluong. selamet berkenalen..
Catat Ulasan