Minggu lopeh ako baliek kampuong. Tetibo sang teghingek Asom Iken Koli.. Ponah ko kilen maken asom iken koli ko? Me oghang rao lek, mesti ponah, ndoh? Arwah omak ko selalu membuek asom koli ko paehh.. Sebilang kali ako baliek ke kampuong, arwah omak mesti buek asom iken koli ko.. ondeik.. titiek ayier liyuor ko.. Cagho nyo, Iken koli to dibakar, lopeh to, di buang ke tulang2 nyo yg kogheh2 to... di tumbok2 sikik, tp indok smp hancor ndoh.. sikik sang nyo.. lopeh to, di tumbok ke cabei bughong dongen bawang meghah sikik. Lopeh itu, di poghah ke santen. Lopeh to laei, di poghah ke pulo asom limou.. indo payah dimasak2 laei sobob bak kato arwah omak, santen to jd masak me tekonu asam limou to. Lopeh to, apo laei.. suok la dongen nasik.. Ondeikk!! indo ko tau menyakop mm, sodop botol.. indo pecayo kilen, cubo la buek.. Ako, me maken nasik, samu asom iken koli ko, indo payah lauk laen lage..
Tapi ito la, me ako baliek kampuong kinin, indo la ado laei ughang yang membuek asom iken koli ko.. dolu lek, arwah omak tau sang apo kondak ati awak.. tak apolah.. kinin, konu la buek sendighi.. mmm paehh..
Tiada ulasan:
Catat Ulasan