Sahabet atao Kawen

Kadang-kadang kito indo mengonal mano tang kawen, mano tang sahabet (abet).. Kawen, idak semestinyo bulieh menjadi sahabet.  Tapi sahabet, udah tontu-tontu bulieh menjadi kawen.  Pohomnyo kilen kuak yo?

Sesetongah kawen, kadang-kadang ondak bekawen dongen kito besobob atoupun maso sonang sang.  Sesetongah kawen, kadang-kadang muncul bilo dio perolu/ondak key khidmet kito.  Sesetongah kawen ko kadang-kadang dopen kito lain, belakang kito lain.  Sesetongah kawen, kadang-kadang bilo kito seronok, dio dongki, bilo kito sodieh, dio seronok. Sesetongah kawen pulo, kadang-kadang bak biskut.  Kojop ado, kojop ilang.

Bebezo dongen sahabet.  Sahabet ko, susah sonang, sentiaso dongen kito.  Sahabet sentiaso ado bilo kito perolu/ondak key khidmet dio.  Sahabet, idak ponah berpuro-puro dongen kito.  Mey suko atou indo suko, dio aken bertoroih torang dongen kito.  Sahabet, bilo kito seronok, dio belobieh-lobieh lage seronok.  Bilo kito sodieh, dio pulo terlobieh-lobieh sodieh.  Sahabet, sentiaso ado, menyokong kito.

Dolu ako idak konal mano kawen, mano sahabet.  Dolu ako ramei KAWEN.  Idak ponah soriek.  Ilang satu kawen, cari kawen lain.  Bak ito lah.  Ponah konu tikom belakang. Tapi totop yuo kawen yang ako cari.  Sobob apo? Sobob sahabet ko memanggggg payaaahhh nak jumpo.  Satu dalom seribu.  Malah, kinin ko, dalom dunio sekarang ko, indo keterlaluen kalao ako kato key, sahabet ko, satu dalom sejuta pun, payah nak jumpo.

Lamu-lamu, ako sodar.  Indo key iyo ndoh.  Elok tey indo bekawen laei daripado mendapek kawen yang merusak key.  Elok tey indo bekawen laei daripado dapek kawen yang menyakik key ati. Elok tey indo bekawen laei daripado dapek kawen yang maken kawen.

Kadang-kadang, sensurang lobieh amen....

Bak Mano Tang Kuak Yo?

Assalom sado-o sesedaro rao.  Ginarin lah ramei pepaja rao lah indo laei mengotoih andei rao ko, Lah indo tau laei pekataen-pekataen rao.  Lah lamu yuo ilang semangek rao to dalom diri.  Jadi, nak di bak mano key tang kuak yo?

Dek keranu ito la di ado key Radio Rao.fm to.  Bak mengotoih yuo urang-urang awak ko, baso rao ko masih ado. Baso rao ko masieh kuek dipetutuor key.  Pepaja pun ado yuo mendongar Rao.fm ko.  Dari sito, bak  konal yuo urang to apo tey rao ko.  Bak belaja yuo urang to, kecek rao ko.  Bak timbul raso banggo jadi anak rao.

Rao ko unik.  Ado adetnyo yang tersendiri.  Ado basonyo yang tersendiri.  Ado lenggoknyo yang tersendiri.  Ado penganennyo yang tersendiri.  Jadi, banggo lah jd anak rao.  Jangen malu lage mengaku anak rao.

Radio Rao

Salom..

Ondeik.. lamu-u indo meloti ke rumah ko ha.. sawang, jangen cakop la.. lah toba.. anei-anei pun banyak yuo ko.. eelalah..

Buken lupo pado rumah ko.. tapi baaaannnyyyaaakkk amek bondo yang nak diseloseike.. maken taun yuo lahh.. kesien rumah ko paeyy... indo beloti.. 

Kinin lah ado radio rao.. ondeikk!!! seronok raso ati.. moh la meloti ke sinun.. mendongar dj-dj mengecek rao.. ramei urang mudo kinin indo reyti mengecek rao.. haaa.. bulieh la belaja.. donga ke tetiop ari, untuong beralah, lelamu reyti tey..

Moh la reramei kito ke Rao.fm seronok lekkk...

Moh copek!

Ondeik Yahh!! Lah Besawang Keh!!

Mintak mahop la yo, sado-o sedaro2 sekelien.. lah lamu indo menulieh.. banyak sang ondak di buek.. iko ha, 9/10 arito, awak baru lopeh besalin.. anak janten.. Mohamed Afwan Rafiqi.. lah mulo cuti 3 bulen ko, iko la ha baru dapek menulieh.. di opis lek, jangen disobuik2.. nampak urang awak menulieh di blog nante, di kato urang awak maken gaji buto pulo noh? Eee... sekialah lek.. setaket ito sang, indo mengapo ndoh.. me konu pulo tindaken tatatertib?? ondeik!! simpang malaiket ompek puluoh ompek lek...

Sebona-a ako ko indo tau apo nak ditulieh ke.. tapi ondak yuo menulieh.. ito te bak nongko berandei.. ontah apo-apo yang kelua.. tadak "idea" hehe.. FB Rao pun lah lamu indo ku loti.. apo la kaba kawen2 sedaro2 disinun agak-a.. Udah la dolu, yo.. isuok-isuok, ado "idea" yang elok2 sikit, bulieh la ako menulieh laei di siko..

Salom..

Maleh Ko Berandei..

Salom... lah lamu indo meloti ke siko lek.. ondeikk.. lah besesawang rumah ko ha.. bak mano te kato awak.. lah sebok amek meloti Facebook teh.. seronok ramei mengecek rao di sinun.. tapi yang ibo sang ati awak, ado yuo la mengecek sekojop, ontok.. menoguo sang nyo di sito.. lopeh to, ontok.. kato-oo nak belajar cakok rao.. tapi bak mano la nak belaja, lah ontok bak nontu.. nddiiii ontah la.. Maleh ko berandei.. Me berandei lelobieh karang, lah tesirok pulo.. payah urang bak nongko.. Indo ke awak beyeyo nak memujuok2 bagei ndoh.. kalou botol2 nak belaja, buek bebetol.. ondak seribu dayo, indo ondak seribu dalieh.. ramei tang yang bulieh mengajar di sito.. indo ke ado apo nak disogen ke ndoh.. urang awak sang nyo..