Ondeik Yahh!! Lah Besawang Keh!!

Mintak mahop la yo, sado-o sedaro2 sekelien.. lah lamu indo menulieh.. banyak sang ondak di buek.. iko ha, 9/10 arito, awak baru lopeh besalin.. anak janten.. Mohamed Afwan Rafiqi.. lah mulo cuti 3 bulen ko, iko la ha baru dapek menulieh.. di opis lek, jangen disobuik2.. nampak urang awak menulieh di blog nante, di kato urang awak maken gaji buto pulo noh? Eee... sekialah lek.. setaket ito sang, indo mengapo ndoh.. me konu pulo tindaken tatatertib?? ondeik!! simpang malaiket ompek puluoh ompek lek...

Sebona-a ako ko indo tau apo nak ditulieh ke.. tapi ondak yuo menulieh.. ito te bak nongko berandei.. ontah apo-apo yang kelua.. tadak "idea" hehe.. FB Rao pun lah lamu indo ku loti.. apo la kaba kawen2 sedaro2 disinun agak-a.. Udah la dolu, yo.. isuok-isuok, ado "idea" yang elok2 sikit, bulieh la ako menulieh laei di siko..

Salom..

Maleh Ko Berandei..

Salom... lah lamu indo meloti ke siko lek.. ondeikk.. lah besesawang rumah ko ha.. bak mano te kato awak.. lah sebok amek meloti Facebook teh.. seronok ramei mengecek rao di sinun.. tapi yang ibo sang ati awak, ado yuo la mengecek sekojop, ontok.. menoguo sang nyo di sito.. lopeh to, ontok.. kato-oo nak belajar cakok rao.. tapi bak mano la nak belaja, lah ontok bak nontu.. nddiiii ontah la.. Maleh ko berandei.. Me berandei lelobieh karang, lah tesirok pulo.. payah urang bak nongko.. Indo ke awak beyeyo nak memujuok2 bagei ndoh.. kalou botol2 nak belaja, buek bebetol.. ondak seribu dayo, indo ondak seribu dalieh.. ramei tang yang bulieh mengajar di sito.. indo ke ado apo nak disogen ke ndoh.. urang awak sang nyo..

Urang Rao VS Owhrang Rawer

Ondeik yahh!! menengok tajuok-oo pun lah tau te apo isinyo ndoh? Ado te pepaja ginaren yang mogah amek nyo, konon-nn dio urang bandar la cek'e.. Mogah becakop poken.. mogah pulo indo tau laeii betutuo rao. Ako botol-botol tak pohom.. Sepatuik-ee pepaja ko kaji baliek asal usul keluargo, kaji baliek baso yang ditutuo ke bangso rao ko, bak indo nyo hapuih. Sepatuik-e urang ko mogah dek ado 'keunikan' bangso sendiri. Iko indo. Lobieh mogah laei dongen baso penjajah, lopeh to dicampuo2 pulo dongen baso urang to sendiri. Ako, me baso penjajah to, indo ke apo ndoh.. mmg la elok buleh becakop urang putieh to.. tp me lah dicampuo-campuo dongen baso2 yang ontah apo2, indo sang kokoh sang bunyi-ii lek.. Ado pulo to, malu nak betutuo rao ko. indo 'class' kato-o.. ontah la.. bak mano tang 'class' amek pado nyonyo to, ontah.. agak-a betutuo baso 'gelandangen' bak kato pajasuluong to, 'class' amek la kuak.. eee.. ontah la.. indo ku tau menyakop-mm.. kilen pikier la sendiri!! :P

Makno Pekateen..

Salom.. ako terbaco soalen 'cucutupin' di chatbox kek topi to, memintak deku bagi makno pekateen 'sekialah'.. sebonanyo ako ko indo la 'expert' amek rao ko.. jadi, ako pun bertanyo la kepada pajasuluong, makno pekateen to.. iko la yang di jawabnyo..

"bak nongko, skialah to dipakei dalom ayet nen banyak makna, misalkato:

DAH KU SOBUIK TADEN JANGEN MANJEK YUO! SKIALAH JATUOH KILEN KARANG
Dah disebut tadi jangan memanjat juga! Kao naseb tak baek, terjatoh kalian nanti!

dalam situasi lain pula:

COMEH TADEN SOMPEK NYO NGILAK TRELA DI SIMPANG TO, MAE NDO, SKIALAH LEK.
Naseb baik tadi sempat dia mengelak trelar di simpang itu, kalau tak, naseb tak baik sih.

makna skialah ko kuak ndo ado topek bobotul, nyonyo kurang lobieh monjadi bungo ayet nen bosulom samo sobuten sobuten buek maso nen ndo sonang, haaa betu te makna."

jadi, haghop2 'cucutupin' pueh ati, yo?

p/s: tq pajasuluong..