Salam, semuo.. haghi ghayo dah dokek. Di kesempaten ko, ako nak mengucopken selamet haghi ghayo pado semuo.. dedolu, seghonok botul bilo tibo ghayo ko.. omak, kalou menompah baju kughung ko, mesti dilotak nyo poket... hehe.. apo laei.. mesti la untuk melotak duik ghayo.. :D
Ghayo sang, mesti poei melalak ontah ke mano2.. abih ghumah org kampong di singgah. kekadang to, konal pendo.. tp dek bebudak, tuen ghumah to pun indo kesah.. lagi pun haghi ghayo la kato ke..
Lopeh to, potang baru balik ke ghumah.. toghuih mengiro duit ghayo.. haha.. dedolu lek, sekupang pun berhargo.. me bebudak kinin, usah laeii.. di bagi seghinggek, mau di kato oghang to kedokuik.. seghinggek to dah bak indo berhargo laeeii.. ok lah.. apo-apo pun, semuo oghang mesti ado kenangen bilo geghayo ko, ken.. sekali lagi...
'SELAMAT HARI RAYA AIDILFITRI, MAAF ZAHIR BATIN'
